Qırımtatarlarnıñ milliy lideri, Ukraina halq deputatı Mustafa Cemilev Kiyevde Almaniya kantsleri Angela Merkel ile körüşti. O, Qırımda üküm sürgen vaziyet ve qırımtatarlarnıñ alı aqqında laf etti. Bunı Qırım haber agentligi bildire.
Körüşüv 45 daqqa devam etti. Cemilevniñ sözlerine köre, o, Qırım meselesi unutıla bile kibi fikirni seslendirdi. Amma kantsler bu mesele müim olğanında işandırdı.
Cemilevniñ aytqanına köre, körüşüvde Ukrainağa 500 million yevro miqdarında berilecek yardım aqqında da söz yürsetildi. Bu sermiya Donetsk ve Lugansknıñ ğayrıdan tiklenüvinesarf etilecek.
Angela Merkelniñ Petro Poroşenko ve 5 ukrain şeerleriniñ yolbaşçıları ile körüşüvi Kiyevde avgustnıñ 23-de olıp keçti.
