Link açıqlığı

Saatnıñ esas haberi

Aqmescit şeer şurası: Ukrain gimnaziyasında 80 bala qırımtatar tilinde oquycaq


Yañı oquv yılında Ukrain gimnaziyasında 160 bala ukrain tilinde, 80 bala ise qırımtatar tilinde tasil alacaq. Bunı Aqmescit şeer şurasınıñ matbuat hızmeti bildire.

Mektep ukrain tilinden rusçağa keçirilgen soñ, er sırada bir ukrain sınıfı açıldı, dep aytıla şeer şurasınıñ saytında.

Mektep müdiri Valentina Lavrik Aqmescit yolbaşçısı Viktor Ageyevge aytqanına köre, yañı oquv yılı gimnaziyağa biñden ziyade talebe qatnaycaq ve mektepte yañı üç birinci sınıf açılacaq. Ocalar Rusiye programmaları boyunca yañı oquv yılına azırlandılar.

Ukrain gimnaziyası Qırım paytahtında ukrain tilli mektebi kibi açılğan edi. Amma Qırım zapt etilgen soñ, gimnaziyanıñ müdirini deñiştirdiler ve oquv yurtını rus tilli mektepke çevirdiler.

XS
SM
MD
LG