Qırım «baş nazir muavini» Dmitriy Polonskiyniñ sezlerine köre, Bağçasaray şeer ve rayonınıñ yolbaşçıları milliy mensüpligi boyunca tayinlenmeycekler. Bunı KİA agentligi bildire.
Polonskiyniñ aytqanına köre, evel yolbaşçılarnı Bağçasarayda tek olarnıñ milletlerine baqıp tayin ete ediler. Amma insanlarnı bunıñ kibi vazifelerge olarnıñ qabiliyetlerine köre tayinlemek kerek, – dedi Polonskiy. Bağçasaraynıñ meri Konstantin Rubanenko ona qol tuttı.
Avgustnıñ 25-de Valeriy Gonçarenko Bağçasaray rayon devlet memuriyetiniñ reisi vazifesini eda etecegi belli oldı. Evelki reis İlmi Ümerov avgustnıñ 19-nda öz isteginen ariza yazıp, işten boşatıldı.
