Link açıqlığı

Bariyev: qırımtatarlarnıñ saylavlarda iştiragi halq problemlerini al etemez


Qurultay delegatı, Qırımtatar Milliy Meclisiniñ azası Eskender Bariyevniñ fikirince, yerli akimiyet organları ve «Qırım Devlet Şurası» saylavlarında namzet köstergen qırımtatarlar kendi halqınıñ problemlerini al etmege yardım etip olamazlar.

Bunı Bariyev Qırım.Aqiqat saytına bildirdi.

«Bazı bir biznes temsilcileri ya da devlet hızmetçileri böyle etip malümat alacaq olalar da, em de qırımtatar halqınıñ problemlerini çezmege yardım etecekler, dep tüşüneler. Lâkin yerli şura ve «Devlet şura» saylavları aqqında yañı qanunlar Qırım Muhtar Cumhuriyeti ve yerli şuralarnıñ saylavları keçirilgen qanunlardan bayağı farqlanalar», – dep tüşüne Meclis azası.

Onıñ fikirince, yañı qanunda qırımtatar halqınıñ problemleri aslı közde tutılmay, demek ki, faydalı olamaz.

Hatırlatamız, iyül ayında Qırımtatar Milliy Meclisi bu sene sentâbr 14-ne keçirilmesi belgilengen «Qırım devlet şurası» ve yerli akimiyet organlarınıñ saylavlarında iştirak etmemege çağırğan edi.

XS
SM
MD
LG