Milliy ukrain qıyafetine kiyingen qız qırımlılarnı Ukrainanıñ Mustaqillik Kününen hayırlap, işğal etilgen Yaltanıñ yalı kenarında ukrain yırlarını, şu cümleden Ukraina gimnini icra etti.
İcracı öz çıqışınen «Slava Ukraine Yalta» videosını YouTube-ke yükledi.
«Böyle etip men Yalta yalısında Ukraina ve ukrainlilerni bizim «Mustaqillik Kününen» tebrikledim!!! - faal», – yazdı müellif.
Qız Ukraina gimnini icra etip, «Slava Ukraine!» dedi. Cevap olaraq ise «Geroyam Slava!» şiarını aldı, em alğışlav qazandı.
Seyirciler arasında qızğa nisbeten Ukrainağa qarşı şiarlarnı seslendirgenler de oldı.
Aqyarda Ukrainanıñ Mustaqillik Kününe bağışlanğan miting teşkilâtçısı Viktor Neganovnı Rusiyeniñ GİBDD hadimleri yaqaladılar, soñra onı Rusiye taqiqatçısına alıp kettiler.
