Link açıqlığı

Bağçasaray rayonınıñ yañı yolbaşçısı tayinlendi


Bağçasaray rayon devlet memuriyetiniñ yolbaşçısı vazifesine Bağçasaray rayon şurasınıñ deputatı Valeriy Gonçarenko tayin etildi.

Avgust 25-te Qırım «baş naziriniñ muavini» Dmitriy Polonskiy rayon devlet memuriyetiniñ hadimlerini yañı reisnen tanış etti, dep haber ete Qırım «ükümetiniñ» ruporı «Krıminform» saytı.

Gonçarenko qayd etti ki, yañı vazifede o, rayon köy ve orman hocalığını inkişaf ettirmege tırışacaq. O, rayonnıñ köy hocalığı içün suvnen teminlev zarur olğanını qayd etti.

Rayon devlet memuriyetiniñ reis muavini vazifesine Refat Derdarov tayinlendi. Bundan evel o Bazarçıq (Poçtovoye) köy şurasınıñ reisi edi. Dmitriy Polonskiyniñ aytqanına köre, Derdarov rayondaki milletlerara meselelernen oğraşacaq.

Bağçasaray rayon devlet memuriyetiniñ sabıq reisi İlmi Ümerov bu sene avgust 19-da vazifesinden boşadı.

XS
SM
MD
LG