Qarasuvbazar şeer şurasınıñ sessiyasında avgust 25-te şeer yolbaşçısınıñ muavini Akim Çolohayev istifağa yollanıldı.
Bunı Qarasuvbazar şeer şurasınıñ deputatı Mihail Rozum öz başına ilân etilgen Qırım ükümetiniñ ruporı Krıminform saytına bildirdi.
«Bizler şeer reisiniñ muavini Akim Çolohayevni işten boşattıq. O, bundan evel de nizam mesülietine çekilgen edi. Bugün onı tenbiyeledik, soñra ise prokuratura teklifinen bulunğan vazifesinden boşattıq» – dep ayttı o.
Deputatnıñ bildirgenine köre, sessiyada 30 insandan 16 kişilik kvorum toplandı. Deputat qayd etti ki, sessiyağa «Ruh-Qurultay» sabıq fraktsiyasınıñ azaları kelmedi, lâkin kvorum bar edi.
Bundan evel Qarasuvbazar şeer şurasınıñ deputatları şeer reisi Albert Kangiyevni istifağa yollamağa tırıştqan ediler.
