Link açıqlığı

Teyfuk Gafarov Meclisteki vazifesinden boşadı


Bugün, avgust 23-te, Qırımtatar Milliy Meclisiniñ toplaşuvında Aqmescit şeer reisiniñ muavini vazifesine tayin etilgen Teyfuk Gafarovnı Meclisniñ Uquq idare reberi vazifesinden boşatmaq qararı qabul etildi, dep haber ete QHA.

Bundan ğayrı, Goskomnats reisi olğan Zaur Smirnovnı Meclis reisiniñ muavini ve öz-özüni idare etüv milliy organları ile iş boyunca idare reberi vazifesinden boşatmaq formal qararına keldiler.

Qayd etmeli ki, Zaur Smirnov 2014 senesi aprel 1-de, onı akimiyetke namzet köstermek qararından evel, özü Meclis erkânında vazifelerinden vazgeçmek içün ariza yazğan edi.

Bugünki toplaşuvda Meclis azaları onıñ işbu arizasını qabul ettiler.

Qayd etmek kerek ki, ne Teyfuk Gafarov, ne Remzi İlyasov, ne de Zaur Smirnov Meclis toplaşuvına kelmediler.

Bundan ğayrı, toplaşuvda qırımtatarlarğa sentâbr 14-te saylavlarda iştirak etmemege teklifini ayrı qarar olaraq qabul ettiler.

XS
SM
MD
LG