Link açıqlığı

Saatnıñ esas haberi

Angela Merkel qırımtatar halqınıñ temsilcilerinen körüşecek


Almaniya kantsleri Angela Merkel
Almaniya kantsleri Angela Merkel

Cumaertesi künü, avgustnıñ 23-de, Almaniyanıñ federal kantsleri Angela Merkel Ukrainağa kelip, prezident Petro Poroşenko ve baş nazir Arseniy Yatsenük, em de Ukrainanıñ farqlı region vekillerinen körüşecek.

Bu aqqında kantslerniñ resmiy saytı onıñ vekili Şteffen Zibertniñ aytqanlarına esaslanıp bildire, dep yaza «Ukrainskaya Pravda».

«Bu ziyaret kantsler, tış işler naziri ve diger memurlarnıñ Ukraina akimiyeti ile keçirgen bir sıra muzakerelerniñ devamı olacaqtır», - dep ayttı Zibert.

Petro Poroşenko ile körüşüvniñ esas mevzusı eki taraflı ateş toqtatılması olacaqtır. FRG kantsleri ofisinde deyler, bu adım «barışıq esnasnıñ başlanması» ola bile.

«Aynı bu sebepten böyle barışıq olmasını isteymiz», - dep qayd etti Merkelniñ matbuat kâtibi.

Merkelniñ ukrain akimiyet vekilleri ile körüşüvinde Almaniya tarafından «maddiy yardım imkânları» muzakere etilecek.

Devlet yolbaşçısı ve Ukraina ükümetiniñ reberi ile muzakerelerden ğayrı, Angela Merkel Kiyev, Donetsk ve Lvov şeer eminleri, em de qırımtatar halqınıñ vekilleri ile körüşecek ola.

XS
SM
MD
LG