Link açıqlığı

Matbuat vastaları: Ramzan Kadırov Çeçenistannı Qırım ya da Krasnodar ülkesi ile birleştirmege razı


Рамзан Кадыров

Ramzan Kadırov Çeçenistan Cumhuriyetiniñ Qırım ya da Krasnodar ülkesi ile birleşmesine qarşı degil. Bunı o RİA Novosti agentligine bildirdi. O, «Çeçenistan ve İnguşetiya birleştirüvine qarşı çıqa eken».

«Soñki vaqıtları içtimaiy ağlarda bir vaqıtları bir regionnı teşkil etken eki cumhuriyet birleşecek degen haber beyanat sebebi oldı», – dep yaza neşir.

«Men böyle bir birleşmege qarşı çıqam. Bu ğaye bir-eki yıl evelsi peyda olğan edi, men mesele baqılmasına bile qarşı çıqtım», – dep ayttı Kadırov ükümet ve rayon memuriyetleriniñ yolbaşçıları toplaşuvında.

Çeçenistan golovasınıñ aytqanına köre, İnguşetiya ile birleştirüv fayda ketirmeycek, aksine, regionnıñ yañı problemleri peyda olacaq.

«Birisinen birleşecek olsañ, zengin Krasnodar ülkesi ya da inkişaf etecek Qırımnen birleşeceñ», – dep ayta Kadırov.

Aynı vaqıtta o şunı qayd etti ki, çeçenler ve inguşler qardaş halqlar ola ve daima böyle olacaq.

İyün ayınıñ ortasında Ramzan Kadırovnıñ daveti ile Çeçenistannı Qırımnıñ öz başına tayin etilgen baş naziri Sergey Aksönov ziyaret etti. Aksönovnıñ ziyaretini Kadırovnıñ özü içtimaiy ağlarda faal sürette aydınlata edi.

XS
SM
MD
LG