Link açıqlığı

Saatnıñ esas haberi

İşğal etilgen Qırımda «Tavriya müftiyatı» peyda oldı


Qırımda Qırım musulmanlarınıñ merkeziy idaresini tesis ettiler – Tavriya müftiyatı.

İşbu qarar Aqmescitte yarımadanıñ farqlı rayonlarından 100 delegatnı toplağan musulman qurultayında qabul etildi, dep bildire 15 minut.

Müfti olaraq Ruslan Saitvaliyev saylandı, reis vazifesine Enver Ahtemov tayin etildi. Rusiye musulmanlarınıñ merkeziy diniy idaresiniñ yolbaşçısı müfti Talgat Tacuddin Müftiyat tiklenmesine yardım etti, dep yaza «İnterfaks».

Al-azırda yarımadada Qırım musulmanları Diniy idaresi bar. Bu teşkilât Qırım yarımada musulmanlarınıñ menfaatlarını birleştire ve temsil ete. Diniy idareniñ resmiy saytı www.qmdi.org, İslâm dini ve islâm medeniyeti aqqında farqlı kitap ve mecmuaları bar. Onıñ reberligi altında camiler, minareler qurula, sovet akimiyeti tarafından tartıp alınğan medeniy obyektler keri qaytarıla, medrese ve hafizler mektepleri açıla.

Al-azırda QMDİ erkânına 350 musulman cemiyeti, 300 cami ve 5 medrese kirmekte. Qırım Müftiyatı er sene hac ve ümre ziyaretlerini teşkil ete.

Qayd etmeli ki, yañı müftiyatta müti olaraq saylanğan Ruslan Saitvaliyev bundan evel Qırım musulmanları diniy merkeziniñ reis muavini edi. Bu teşkilâtnı «alternativ müftiyat» dep tanıylar. O, Qırım musulmanları Diniy idaresiniñ muhalifeti sayılır.

Qırım musulmanları diniy merkezini Ukraina musulmanları diniy idaresi ile bağlaylar. Onıñ reberi ise «habaşizm» tarafdarı olğan Ahmed Tamim ola.

XS
SM
MD
LG