Ukraina havfsızlıq hızmetiniñ yolbaşçısı Valentin Nalivayçenko rusiyeli gumanitar yük avuşuvını Rusiyeniñ Ukrainağa istilâsı dep adladı.
Bunı o cuma künü Kiyevde jurnalistlerge bildirdi, dep haber ete İnterfaks-Ukraina.
«Biz buña dos-doğru istilâ dep aytamız», – dedi Nalivayçenko.
«Soñki künleri bizler planlaştırılğan ve havflı, Ukrainağa qarşı bir provokatsiyanıñ şaatları oldıq, Qızıl Haç Halqara komitetini qullanıp, «gumanitar yardım» dep provokatsiya yapalar», – dep qayd etti SBU yolbaşçısı.
Onıñ qayd etkenine köre, 30 yük maşinası Ukrainağa taba «qanunsız alda yol aldı».
