Link açıqlığı

Qırımtatar halqınıñ lideri Mustafa Cemilevniñ fikirince, Rusiye qırımtatarlarnı «beşinci kolonna» olaraq tanıp, olarnıñ aqqından kelmege azırlıq köre.

Bunı o «Apostrof» neşirine bergen intervyüsında bildirdi.

«Bizde olğan malümatqa köre, Ukraina ile arbiy areketler başlanmazdan evel, olar (rusiyeliler – muarrir) Qırımda «beşinci kolonnanı» yoq etmek kerekler. Qırımtatarlarnı olar beşinci kolonna dep adlaylar. Bilgenimizge köre, olar öldürilecek ya da ğayıp olacaq adamlarnıñ cedvellerini tizeler – ve, birinciden, bu Meclis azaları olacaqtır», – dedi o.

Cemilevniñ aytqanına köre, bunıñ içün Qırımda çeçen ve dagestanlılar buluna, lâkin olar qırımtatarlarnen cenkleşmege istemeyler, ruslar ise olarnı zorlamağa tırışalar.

«Olar bizni añlağanlarını ayta ediler, lâkin Kadırovnıñ esirleri olalar, ketseler – olarnıñ qoranta azalarını qurşunğa tize bileler. Onıñ içün bir şey başlansa, olar aytacaqlarnı yapmağa mecbur olacaqlar», – dep ayttı o.

Cemilev şunı hatırlattı ki, oña Putin adından muracaat etip, añlaşmağa tırıştılar. Böylece, oña Qırımğa kiriş yasağını lâğu etmege ve eñqastan yapılğan öldürüvde şeklengen 2013 senesi mayıs ayından berli apste bulunğan oğlunı azat etecekler, dep vade etken ediler.

«Lâkin bu imkânsızdır, men olarğa cevap berdim: «Siziñ rejimiñiz o qadar pis ki, devletiñiz reine almaqnen oğraşa». Ve Putinge terroristlernen qonuşmağanımnı aytıp bermege rica ettim», – dedi o.

Qırım.Aqiqat bildirdi ki, Cemilev Rusiye tarafından işğal etilgen Qırım Ukraina terkibine bir yıl içinde qaytacağına ümüt besley.

XS
SM
MD
LG