Link açıqlığı

Nemtsov: Moskvada Ukrainada cenk olmasına qarşı Bütünrusiye Barışıq Yürüşi ötkerilecek


Sentâbrniñ 21-de Moskvada Ukrainada cenk olmasına qarşı Bütünrusiye Barışıq Yürüşi ötkerilecek. Böyle bir qarar rusiyeli muhalifet Narazılıq tedbirleriniñ komiteti tarafından qabul etildi, dep bildirdi muhalif Boris Nemtsov Facebook saifesinde.

«Ukraina şarqındaki qardaşlarara cenkke susıp baqmaq mümkün degil. Putin yolbaşçılığında cenk firqası silâ, boyevik ve para berip, onı devam ettirecek ola. Bugün Narazılıq tedbirleriniñ komiteti sentâbrniñ 21-de Moskvada Bütünrusiye Barışıq Yürüşini ötkermek qararına keldi. Cenkni toqtatmaq kerek», – dep yazdı Nemtsov.

Hatırlatamız, bu seneniñ mart ayında çoq biñli Barışıq yürüşi olıp keçti. Rusiyeliler Ukrainada arbiy areketler keçirilmesine qarşı çıqqanlarını bildirdiler.

Yürüşte siyasetçi, çalğıcı ve diger meşur adamlar iştirak ettiler.

XS
SM
MD
LG