Link açıqlığı

Qırımtatar yırcısı Camalanıñ iştiragi ile «Povodır» filmi noyabrniñ 12-de ekranlarda olacaq


Ukrain rejissöri Oles Saninniñ («Greh», «Mamay») «Povodır» filmniñ milliy premyerası aqımdaki seneniñ noyabrniñ 12-de ötkerilecek. Levha memleketniñ er bir zemaneviy kinoteatrinde kösterilecek.

Saytta berilgen malümatqa köre, işbu film seyircilerni 1930-ıncı senelerine daldıra.

Amerika müendisi Maykl Şemrok oğlunı alıp, Harkovge sotsializmni qurmaq içün kele. Mında o qırmızı komissar çoqtan köz taşlağan aktrisa Olga Levitskayağa sevda ola. Facialı sebeplerden amerikalı elâk ola, onıñ oğlunı ise soqur bir ukrain kedayı qurtara. Ğurbetlikte yaşamaq imkânları olmağanından sebep oğlan povodır olıp qala.

Levha olarnıñ Ukraina tarihı levhaları üzerinde keçken havflı seyaatları aqqında tarif ete.

«Povodır» – sevgi, sadıqlıq, alçaqlıq ve hainlik aqqında filmdir.

Filmde baş qaramanlar rollerini Anton Svâtoslav Grin, Stanislav Boklan, Camala, Oleksandr Kobzar ve Ceff Barell icra ettiler. Bundan ğayrı, bazı levhalarda ukrain yazıcıları Oleksandr İrvanets ve Serğiy Jadan, yırcı Taras Kompaniçenko, em de bütün Ukrainadan yüzden ziyade soqur insan ve Kiyev, Harkov ve Lvov ukrain yırcılarını körmek mümkün.

İlk sefer film Odessa kinofestivaliniñ Milliy ve halqara yarış programmaları çerçivesinde iyülniñ 16-da numayış etildi. «Povodır» festivalniñ eki mukâfatını qazandı. Böyleliknen, Stanislav Boklan soqur yırcı İvan Koçerga rolü içün «Eñ eyi aktör işi» içün «Zolotoy Dük» mukâfatını elde etti. Bundan ğayrı, Milliy yarış programmasınıñ jüri erkânı film operatorı Serğiy Mihalçuknı da taqdirledi.

XS
SM
MD
LG