Link açıqlığı

Künlerde Keriçke barıp keldim. Keriç – şeer-qaraman, demesem, olmaz!

Tünevin paromnı adamlar 55 saat devamında beklediler! Bazıda, Qırımnıñ Ukrainağa qaytarıluvı boyunca referendum keçirilgende, Keriç buña qol tutıp, 146 %-nı berecegini tüşünem. Çünki, yarımadanıñ işğaline şeerlerimizden iç biri o qadar quvanmağan edi.

Endi ise, eminliknen ayta bilem: Qırım – bu yarımada degil. Bu, sahte rus adası. Rusiye bizni qıtadan kesti, em de kendisinden ayırdı. Men endi bilem: Rusiyege ayaq basmam.

Paromğa nevbette turğanlar çoq eyi tilekler bildireler! Bir qaç kün evelsi paromğa nevbet Keriçke kirişten başlana edi. Siz şeeriñizde toqtap qalğan maşina nevbetini tasavvur etip olasızmı? Men – yoq.

Aqmescitni keçip, cenüpke aşıqqkan «elitanıñ» kоrtejlerini hatırlayım. Olar yolğa çıqqanda, yük maşinalarnı bir yerde toplaylar. İçlerinde em aydavcılar, em de deñizge raatlanmağa ketken qorantaları boñayıp oturalar, yolnıñ boşamasını bekleyler. 3-4 saat beklemege mecburlar.

Keriç ise, büs-bütün felçke oğradı. Amma, bu adiy bir yük degil. Bu canlı yük. O kenefke muhtac. Keriçniñ özü büyük bir kenef oldı. Künde bir kere ileye aşaycañ, kenefke baracañ. 30 km-ge uzanğan nevbet.

Bir kün evelsi aqşam Keriç akimiyeti eyi bir adım yaptı. Aeroportnı temizlep, anda keneflerni yaptılar. Sıcaq. Küneş. 55 saat. Bazıda DPH kelip, 100 maşinanı paromğa alıp kete.

Quvanmağa şey yoq. Süt mahsulatı, et, balıqnı ketirmege yasaq. Qalğan mahsulatlarnı çoq beklenilgen turistler qomşu devletten kelgen soyları, nevbette turğan vaqıtta satın alalar.

Halq quvanğanından-quvana. Keriçniñ hastahaneleri gipertoniya hastaları, loqsa ve baş yaraları hastalarınen tolu. Ya ne? Bu ruslarnıñ nevbeti. Mında er kes bilgeni kibi şeñlene. Uruşalar, sögüşeler. Spravkanı alğanlar ise, nevbetniñ ög saflarına keçeler. Em de, sağlamlar arasında saqatlar da peyda olıp başladı. Yerli iş –adamı maşinağa yapıştırmaq içün 1000 «saqat» yazısını satqan. Kimdir loqsa olğanı aqqında vesiqanı em qadın, em erkeklerge teklif ete. Kimdir, yerli faişelerni ziyaret etmege, kimdir «Yedinaya Rossiya» firqasına qoşulmağa teklif ete.

Bunı episini añlamaq mümkün. Halq evge aşıqa ve bütün imkânlarnı qullana. Amma, başqa taraftan «Kavkaz Limanında» turıp, Qırımnıñ deñizinde yuvunmaq, ucuz çibereklerni aşamaq içün arz etip tamam şu kibi nevbette turğanlar da bar. Anda da er şey aynı: Yerli iş –adamı maşinağa yapıştırmaq içün 1000 «saqat» yazısını satqan. Kimdir loqsa olğanı aqqında vesiqanı em qadın, em erkeklerge teklif ete. Kimdir, yerli faişelerni ziyaret etmege, kimdir «Yedinaya Rossiya» firqasına qoşulmağa teklif ete.

Liza Bogutski, endiden ada sakini

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG