Link açıqlığı

Saatnıñ esas haberi

Bağçasaray rayonında daa bir musulman qorantasınıñ evinde tintüv keçirildi


İşğal etilgen Qırımda musulman aileleriniñ evlerinde tintüvler devam ete. QHA malümatına köre, Bağçasaray rayonında yaşağan Muslâdinovlar qorantasınıñ evinde tintüv keçirildi.

Neşirniñ malümatına köre, tintüv avgustnıñ 19-da keçirildi, lâkin bunıñnen bağlı malümat yalıñız avgustnıñ 21-de peyda oldı.

Qırımlı Nariman Memedeminovnıñ aytqanına köre, evge betni qapatqan ve bronejilet kiygen 5-6 insan kirdi. Memedeminovnıñ bildirgenine köre, tintüv sebebi 'yarım yıl evelsi hırsızlanğan maşina magnitofonı» oldı.

«Söz sırası, magnitolanı 12 yıl devamında İslâm dinini kütken ve bir ay evelsi babasız qalğan üç balalı qorantağa keldiler», – dep qayd etti Memedeminov.

Onıñ aytqanına köre, tintüv devamında «yasaq etilgen kitaplar» ve yañı yağda qaldırılğan pıştav tapılğan eken. Memediminovnıñ qayd etkenine köre, «hadim aranğa kirip, bir şey qıdırmadı bile, kirip birden qıdırğanını tapıp çıqardı».

Musulmanlarnıñ evine qomşular ve yerli meclis reisi keldiler. Bir kimseni azbarğa bile kirgizmediler, – dep yaza neşir.

Qırımda musulmanlarnıñ evlerinde ve medreselerde tintüvler endi keçirilgen edi. Böyle etip, iyün soñunda FSB hadimleri ve arbiyler Bulğanaq köyündeki medresede, aynı bu künniñ sabası aynı köyde yaşağan musulman qorantasınıñ evinde tintüv keçirdiler. Mayıs ayınıñ başında İslâm Terek ve Eski Qırımda musulmanlarnı soraştıra ediler, bazılarınıñ parmaq izlerini alıp qaldırğan ediler.

Neşirniñ malümatına köre, Qırımdaki medreselerni teşkereler – yasaq etilgen edebiyatnı qıdıra ekenler. Avgustnıñ 13-de Aqmescitteki üç musulman oquv yurtında tintüvler keçirildi.

XS
SM
MD
LG