Link açıqlığı

Poroşenkonıñ mesleatçısı: Prezident kelecek afta Yuqarı Radanı dağıtacaq


Kelecek afta Yuqarı Rada deputatlarına yañı koalitsiya şekillerdirilmesi içün ayırılğan 30 künlik müddet yekünlene. Bir de bir neticeler olmağanı içün prezidentniñ parlamentni dağıtmaq aqqı bar.

Bunı Azatlıq Radiosınıñ efirinde Ukraina devlet yolbaşçısınıñ mesleatçısı Oleg Medvedev bildirdi.

Onıñ aytqanına köre, kelecek afta Petro Poroşenko Yuqarı Rada dağıtılması ve ukrain parlamentiniñ nevbetten tış saylavlar keçirilmesi aqqında buyruqnı imzalaycaq.

Medvedevniñ malümatına köre, sentâbr ayında büyük siyasiy, iqtisadiy ve içtimaiy islâatlar cedveli aydınlatılacaq. Bundan ğayrı, Poroşenkonıñ aytqanına köre, Ukrainanıñ Avropa Birligi ile assotsiatsiya añlaşması tasdıqlanacaq.

XS
SM
MD
LG