Link açıqlığı

Rusiye işğal etilgen Qırımdan köçip kelgen ukrainlilerni er kün qıtağa alıp kete


Rusiye tarafından işğal etilgen Qırımnıñ akimiyeti Donbasstan mecburen köçip kelgen ukrainlilerni Rusiyeniñ diger regionlarına yollay, dep haber ete Azatlıq Radiosı.

Böylece, er kün yarımadanı aman-aman biñ kişi terk ete. Qırım «akimiyetiniñ» bildirgenine köre, al-azırda mahsus lagerlerde tahminen yedi biñ kişi buluna, er kün işğal etilgen yarımadağa 500-700 insan köçip kele.

Şaatlarnıñ malümatına köre, bunıñ kibi insanlarnıñ çoqusı Qırımnı terk etmege istemey ve Ukrainağa keri qaytacağına ümüt besley. Rusiye regionlarına tüşkenler ise şaraitler quvandırmay, dep bildireler.

Rusiyeniñ Federal migratsion hızmeti sentâbrniñ 1-ne qadar Ukrainadan köçip kelgenlerni vaqtınca yerleştirüv noqtalarını qapatacaq ola. Rusiye ükümetiniñ qararına binaen, böyle adamlarnı Moskva, Peterburg, Moskva ve Rostov vilâyetleri, em de Çeçenistanda yerleştirmeycekler.

XS
SM
MD
LG