Link açıqlığı

Saatnıñ esas haberi

Yaltada sürgün etilgenlerniñ abadanlaştıruv programmasına 1,5 million ruble belgilendi


Yaltada Büyük Yaltada yaşağan sürgün olunğan grajdanlarnıñ 2014 senesi abadanlaştıruv programması tasdıqlandı. Bunıñnen bağlı vesiqa avgustnıñ 20-de Yalta şeer şurasınıñ sessiyasında qabul etildi.

Milletlerara işler ve migratsiya şeer idaresiniñ yolbaşçısı Enver Ametovnıñ aytqanına köre, programma region içün eñ müim olğan beş obyektni qaplap ala.

Onıñ fikirince, esas yeñiş şeer programmasına Qırımnıñ yalı boyunda Vasilyevka köyü civarında ilk Cuma Cami içün 0,5 ga topraq damartısı içün uquqiy vesiqalar resmiyleştirilmesiniñ kirsetilmesi oldı.

Programmada «Zvözdoçka» yataqhanesinde tamir işleri, Nikita qasabasında kanalizatsiya ağlarınıñ qurucılığı ve Alupka ve Köreizde musulman mezarlıqları içün eki topraq damartısı qayd etildi.

Programmanıñ para miqdarı 1 million 670 biñ rubleni teşkil ete. Ametovnıñ aytqanına köre, bu para yalıñız esas meseleler çezilmesine yetecek.

XS
SM
MD
LG