Link açıqlığı

Ural aliy oquv yurtları Nijniy Novgorod ile beraber Qırım abituriyentlerini öyle de körmediler


Qırım abituriyentleri Rusiye aliy oquv yurtlarınıñ tekliflerine qulaq asmaylar: Ural universiteti Qırım abituriyentlerini öyle de körmeyip, bücet yerlerini Ukrainadan köçip kelgen adamlarğa berdi.

İTAR-TASS agentliginiñ malümatına köre, köçip kelgenderge qolaylaştırılğan shema boyunca oqumağa kirmege ve bedava oqumağa imkân berildi. Başta bu yerlerni qırımlılarğa berecek ediler, lâkin olar vesiqalarnı öyle de teslim etmediler.

Qabul etüv komissiyasınıñ reisi İlya Bayevniñ bildirgenine köre, Ukrainadan mecburen köçip kelgen ve qaçaq statusını alğan adamlar defektologik bölüginde ayırılğan qoşma 5 bücet yerinde oqumaları mümkün. Bundan ğayrı, başqa bölüklerde de oqumağa imkân bar, amma oquş parasını tölemek kerek.

Bundan evel berilgen malümatqa binaen, Nijniy Novgorod aliy oquv yurtlarında Qırım abituriyentleri içün ayırılğan bücet yerleriniñ 90% boş qaldı. 81 yerge yalıñız yedi qırımlı oqumağa kirdi.

XS
SM
MD
LG