Link açıqlığı

Keriç keçitinde duş ile turaqnı donatalar


Keriç keçitinde bir buçuq biñ maşina içün turaqnı açacaqlar. Turaqta duş da olacaq.

Bunı Qırım «naqliyat naziri vazifelerini eda etken» Anatoliy Tsurkin bildirdi.

«Bu maqsatlarda şimdi çalışmağan Keriç ava limanını qullanacaqlar. Meydançıqta bedava yemek noqtası, duş ve balalar içün oyun şeerçigi peyda olacaq», – dep tekrarlay Tsurkinniñ aytqanlarını «İnterfaks».

Bir qaç aftadan berli Keriç keçitindeki maşinalar nevbeti «rusiyeli» Qırımnıñ ciddiy bir naqliye problemi olıp qala.

Avgustnıñ 20-de saba Kuban tarafından nevbet biraz eksilse de, Qırım tarafında tahminen biñ maşina qala.

XS
SM
MD
LG