Link açıqlığı

Moskva merkezinde Ukraina bayrağı peyda oldı


Avgustnıñ 19-dan 20-ne keçer gecesi belgisiz şahıslar Moskvadaki Kötelniçeskaya yalı kenarınıñ Stalin bayırında yıldıznı mavı ve sarı tüslerge boyalap, bina kulâsında Ukraina bayrağını tiklediler, dep haber ete Lifenews.

«Paytaht merkezinde yerleşken ve imaye altında olğan meşur binağa vandallar keçkeni aqqında bir şey belli degil. Bunıñnen beraber, belgisiz şahıslar 176 metrlik 32 qatlı evge nasıl etip çıqqanlar suali peyda ola», – dep yaza neşir.

Eñ yaqın vaqıtta bayraqnı alıp taşlaycaqlar, yıldızğa ise onıñ renklerini qaytaracaqlar, lâkin şimdilik vaqia yerini uquq qoruyıcılar ve MÇS hadimleri ögreneler.

Evniñ könsyerjkası bildire ki, bunıñ kibi şeyler olğan edi. Binada bir sıra tehnikiy kiriş ve çıqışlar bar, belgisiz adamlar içerige lift şahtalarından bile kireler.

Kötelniçeskaya yalı kenarındaki mesken ev – Moskvanıñ eñ meşur yüksek binalarından biridir. O, 1938-1952 seneleri mimarlar Çeçulin ve Rostovskiyniñ leyhaları boyunca qurulğan edi. Qurucılıqnı Lavrentiy Beriya nezaret etti. Bina sakinler sayesinde belli ve prestijli oldı.

Farqlı vaqıtlarda bu evde Galina Ulanova, Lüdmila Zıkina, Vasiliy Aksönov, Yevgeniy Yevtuşenko, Andrey Voznesenskiy, Konstantin Paustovskiy, Yuriy Lübimov, Yefim Şifrin, Dmitriy Nagiyev ve digerleri yaşay ediler.

XS
SM
MD
LG