Link açıqlığı

Rusiye bayraq künü munasebetinen Hanlar sarayına kiriş bedava olacaq


Rusiye Federatsiyasınıñ devlet bayraq künü, avgustnıñ 22-de, Hanlar sarayınıñ meydanına kiriş serbest olacaq.

Bağçasaray tarihiy-medeniy qoruğınıñ matbuat hızmeti bildire ki, saat 9-dan saat 18-ge qadar saray meydanına kiriş serbest olacaq.

Saat 16:00 kontsert ötkerilecek.

İyülniñ 1-de Bağçasaraydaki Hanlar sarayına kiriş paralı oldı. Endiden soñ Hanlar sarayı territoriyasına kirmek içün kezinti parasını tölemek kerek: 225 ruble büyükler içün ve 115 ruble balalar içün.

Bağçasaray ve Bağçasaray rayonınıñ sakinleri pasportnı kösterip, bedava keçe bileler. Bundan ğayrı, camige kirip, ibadet etecek olğan adamlar içün de kiriş serbest olacaq.

XS
SM
MD
LG