Link açıqlığı

Saatnıñ esas haberi

İlmi Ümerov Bağçasaray rayon memuriyetiniñ yolbaşçısı vazifesinden ketti


İlmi Ümerov
İlmi Ümerov

Bağçasaray rayon devlet memuriyetiniñ reisi İlmi Ümerov avgustnıñ 19-da istifağa çıqmaq qararı aqqında ilân etti. İlmi Ümerov rayon devlet memuriyeti bölükleri, yerli idare organlar, müessise, teşkilât ve rayon hızmetleriniñ reberleri ve hadimlerini toplap bunı ayttı.

İlmi Ümerov Bağçasaray rayon devlet memuriyetiniñ reisi vazifesinde bulunğan 9 yıllıq işini talil etip, Bağçasaray rayonınıñ içtimaiy-iqtisadiy inkişafı köstergiçlerini Qırımnıñ diger rayonlarınıñ seviyesine qadar arttırmaq içün çalışqanını qayd etti.

Onıñ aytqanına köre, onıñ işbu adımı «deñişken şaraitlerde çalışmaq çare olmağanı, em de printsiplerden vazgeçmek kerek olğanınen» bağlı.

Bağçasaray rayon devlet memuriyetiniñ matbuat hızmeti bildire ki, İlmi Ümerovnıñ işdeşleri ve hadimleri onıñ aqqında bir sıra müsbet fikirlerni seslendirdiler.

İlmi Ümerov sabıq hadimlerine muracaat etip, «adamlarnı sınıf ve baqışlarına köre» saylamayıp, rayon içün çalışmağa çağırdı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG