Link açıqlığı

Aqmescit şeer yolbaşçısınıñ muavini vazifesine Qırımtatar Milliy Meclisiniñ uquq bölügi reberi Teyfuk Gafarov tayin etildi. Bu qarar bugün şeer şurasınıñ nevbetten tış toplaşuvında qabul etildi.

Buña Aqmescit şeer şurasınıñ 58 deputattan 46 kişi qol tuttı. 12 deputat bitaraf oldı, dep haber ete 15 minut.

Hatırlatamız, avgustnıñ 6-da Aqmescit şeer şurası Teyfuk Gafarovnıñ şeer yolbaşçısınıñ muavini vazifesine tayinlev meselesini neticesiz qaldırdı. Şeer yolbaşçısı Viktor Ageyev bunı «tehnikiy hata» olaraq añlattı. Mer, Gafarov deputatlarnen qonuşmağa yetiştirmedi, dep ayttı.

Meclis reisi Refat Çubarov Gafarovnı bu adımdan vazgeçmege çağırdı, lâkin o razı olmadı. Çubarovnıñ aytqanına köre, bazıları Kreml ve onıñ Qırımdaki tarafdarlarınıñ basqısına dayanamaylar.

XS
SM
MD
LG