Link açıqlığı

Aqyarda qurulğan binanıñ damı tüşti: eki işçi elâk oldı, beş kişi yaralandı


Avgustnıñ 18-de işğal etilgen Aqyarda facia yüz berdi: qurulğan prezident kadet oquv yurtı binasınıñ damı tüşken vaqıtta eki qurucı elâk oldı. Daa beş kişi yaralandı.

Yerli «politsiya» eki ve ekiden ziyade ölüm sebebi olğan qurucılıq işlerini bozuv boyunca cinaiy iş açtı.

Şimdi adise yerinde taqiqat taqımı çalışa, «politsiya hadimleri» şaatlarnıñ malümatını ögreneler. Bunıñnen beraber qurucılıqqa alâqası bar olğan şahıslarnı soraştıralar, qurucılıq vesiqaları alına, obyektte telükesizlik tehnikası içün mesülietli olğan şahıslarnı belgileyler.

XS
SM
MD
LG