Er yıllıq «Merhametlik-2014» hayriye aktsiyası çerçivesinde eki million ruble topladılar.
Bunı Qırım musulmanları Diniy idaresi (QMDİ) bildire.
Aktsiya er yıl mubarek Ramazan ayı devamında keçirile. Para hasta balalarğa berile.
Müftiyat yardımğa muhtac olğan adamdan 153 muracaatnı aldı. Onkologiya hastalığından zarar körgen ve QMDİ ilk sefer muracaat etken balalar 42 biñ ruble, tekrar muracaat etkenler – 27 biñ ruble aldılar.
Diger ağır hastalıqları olğan balalar 17 biñ ruble, tekrar muracaat etkenler 12 biñ ruble aldı.
«Merhametlik» hayriye aktsiyası 2009 senesinden berli devam ete. 484 balağa maddiy yardım kösterildi.
