Link açıqlığı

Rusiye Federatsiyası prezidenti Vladimir Putiniñ Devlet Duma deputatları ile Yaltada keçirilgen körüşüvlerinde iç bir yañı fikir yanğıramadı, yalıñız saçmalıq seslendirildi.

Bunı öz Twitter saifesinde Devlet dumaVI çağıruvınıñ deputatı, mülkiyet sualleri boyunca komitetniñ azası, Rusiye Kommunistik firqasınıñ Moskva şeer komitetiniñ kâtibi Vladimir Rodin bildirdi, dep haber ete Ukrainskaya pravda.

«Qırımda keçirilgen V.V.Putin ile körüşüvden qayttım. Açuvım sıñırsızdır. Bunıñ episini Qırım bizimki olğanını aytmaq içün ötkerdilermi?» – dey deputat.

«Körüşüvde iç bir yañı fikir yoq edi, tek Vladimir Jirinovskiyniñ saçmalığı yanğıradı. Novorossiyani tanımaq teklifke de cevap olmadı», – dey o.

Qırım.Aqiqat bergen malümatına köre, avgust 13 künü Rusiye Federatsiyasınıñ prezidenti Vladimir Putin Rusiye tarafından işğal etilgen Qırımğa eki künlik iş ziyareti ile keldi. Ukraina çetel işler nazirliginde bu ziyaretni mümkün olmağan bir şey kibi tanıdılar, Ukraina içki işler nazirligi atta Putinge qarşı cinaiy işniñ açılmasını tüşüne.

XS
SM
MD
LG