Link açıqlığı

Saatnıñ esas haberi

Cemilev: Mantıq cietinden, Putinniñ özüni Rusiyege kirsetmege mümkün degil


Rusiye prezidenti Vladimir Putin «gebist» siyasetine riayet ete – «seni begenmeyim, seni qıynacam, kirsetmecem ve ilâhre». Böyleliknen qırımtatar halqınıñ milliy yetekçisi, Ukraina halq deputatı Mustafa Cemilev Azatlıq Radiosı efirinde Rusiye prezidentiniñ «birev keçmişniñ meselelerinde piar etmesin dep tırışmaq kerekmiz» degen lafını izaatladı.

Belli olğanı kibi, bunı Putin Rusiye tarafından işğal etilgen Qırımda yarımadağa Mustafa Cemilev ve Refat Çubarovnıñ kiriş yasağı aqqında sualge cevap olaraq ayttı. «Biz Rusiye halqlarına eyilikni istegen er kesnen çalışacaqmız, şu cümleden Qırımda yaşağan qırımtatar halqınen de, ve keçmişniñ meselelerinde piar etken ve bunı öz zenaatına çevirgen şahıslar ile iş alıp barmaycaqmız»,– dedi Putin.

Buña cevap olaraq Cemilev böyle dedi: «Sovet zamanları biz Vatanımızğa qaytmaq aqqımıznı qorçalay edik, amma bunıñ yerine Rusiye apishanelerini ve lagerlerini kördik – Kolıma ve ilâhre. Şimdi ise Vatanıma kirip olamayım. Biz «maqtansaq», keliñiz, endi belli bir kimseni Vatanğa kirsetmeyik, yani er kes «maqtansa». Böyle alda Putinniñ özüni de Rusiyege kirsetmeyik, çünki özü er vaqıt «maqtanıp» yüre. Yani, mantıqiy bir şey yoq. Ya da, buña prezidentniñ «gebist mantığı» aytmağa daa da doğru olur».

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG