Link açıqlığı

Saatnıñ esas haberi

Podmoskovyede qarar alalar: Qırımda nasıl mahsulatnı sımarlamaq?


Podmoskovyede onlayn rey berüv başlana: işğal etilgen Qırımdan işbu vilâyetke nasıl mahsulatnı ketirmege – bunı rey berüv iştirakçilerine belgilemege teklif etile.

Moskva vilâyetiniñ istimal çarşı ve hızmetler nazirliginiñ matbuat hızmeti bergen malümatına köre, yerli sakinlerge: «Qırımdan nasıl mahsulatnı satın almağa azırsıñız?» degen sualge cevap bermege teklif etile.

Cevaplar arasında – balıq, deñiz malları, süt mahsulatı, şarap, konyak, meyva ve sebzeler. Bunıñ ile iştirakçiler öz cevabını yaza bileler. Bu soravnıñ teşkilâtçısı Moskva vilâyetiniñ istimal çarşı ve hızmetlerniñ nazirligi oldı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG