Link açıqlığı

«Merhametlik-2014» hayriye aktsiyası neticesinde 2 mln. ruble toplanıldı


Avgust 15 künü Qırım Musulmanları diniy idaresinde «Merhametlik-2014» hayriye aktsiyasınıñ neticelerini aşkâr ettiler. İşbu tedbir er sene muqaddes Ramadan ayı devamında keçirile, toplanğan aqçalar ağır hastalanğan balalarğa berile. Bu sene aktsiya çerçivesinde 2 mln. 238 biñ 511 ruble (746 biñ 170 grn.) toplandı.

Ağır hastalanğan balalarnıñ tedaviylenüvine iane Qırımnıñ camilerinde cıyıla edi. Paranıñ toplanuvına Qırımnıñ musulman diniy cemiyetleri, Ankara şeerinde qırımtatarlarnıñ medeniyet ve qarşılıqlı yardım cemiyetiniñ merkeziy ofisi (31 tıs. 575 dollar), New Yorkta qırımtatarlarnıñ medeniyet ve qarşılıqlı yardım cemiyeti (1650 dollar) isse qoştılar.

Maliyeviy destekni körmek içün Müftiyatqa 153 insan ariza berdi. Paranı tedaviylevge muhtac olğan bütün balalar arasında böldiler. Qırım Müftiyatına ilk sefer muracaat etken onkologik hastalıqları olğan balalarğa 42 biñ ruble, tekrar muracaat etkenlerge 27 biñ ruble berildi.

Qırım musulmanları diniy idaresine birinci kere muracatta bulunğan çeşit ağrıları olğan balalarğa 17 biñ ruble, tekrar muracaat etkenlerge – 12 biñ ruble ayırıldı.

Qırım musulmanları müftisi haci Emirali Ablayev ana-babalarğa sabır ve balalarnı tedaviylemek içün küç tiledi ve olarnıñ tez yahşı olmasına dua oqudı.

XS
SM
MD
LG