İşğal etilgen Yaltada şeer başı vazifesini eda etecek yañı insannı saylaycaqlar. Onı şeer şurasınıñ deputatları kelecek afta saylaycaq. Bunı avgust 15 künü Qırımnıñ öz başına tayin etilgen baş naziri Sergey Aksönov bildirdi.
Onıñ sözlerine köre, Yalta şeer şurasınıñ bugünki kâtibi Sergey Karnauh Aksönovnı Qırımnıñ Cenübiy yalısında temsil etecek.
«Yalta şeer şurasınıñ kâtibi Sergey Karnauh Qırım Cumhuriyetiyeniñ başı vazifesini eda etken Sergey Aksönovnıñ Qırımnıñ Cenübiy yalısında temsil etecek, siyasetten ketmey», – dey Aksönov.
O şunı da qayd etti ki, Sergey Karnauh Qırımnıñ Cenübiy yalısında olacaq bir sıra leyhalarnı idare etecek.
Aksönov Yalta şeer başı vazifelerini Qırımnıñ lâyıq bir siyasetçisi eda etecegine eminligini bildirdi.
