Link açıqlığı

Ukraina prezidentiniñ keñeşçisi: qırımlılar Rusiye akimiyetine qarşı diversiyalarnı keçirecekler


Ukraina prezidentiniñ Memuriyetinde kelecekte Qırım sakinleri yarımadada Rusiye akimiyetine qarşı diversiyalarnı keçirmege başlaycağını tahmin eteler.

Bunı «5 kanal» efirinde Prezidentniñ keñeşçisi Yuriy Lutsenko bildirdi, dep haber ete UNN.

Onıñ sözlerine köre, Ukraina Rusiye tarafından işğal etilgen Qırımdan vazgeçmeycek ve öz territoriyasını qaytarmağa areket etecek. Lutsenko şunı da qayd etti ki, Qırım Ukraina ve Rusiye akimiyetleri arasında alış-veriş predmeti olamaz.

«Ukrainada yaşayış, Qırımğa köre, eyi olğan vaqıtta, Qırımda faal narazılıqlar, atta işğalcilerge qarşı diversiyalar olğanda, Ukraina tamır halq – qırımtatarlarnıñ milliy devletniñ teşkil etilmesine aqları ile bağlı meselelerniñ çezilmesi içün bütün halqara ihtiyatnı qullanğan vaqıtta, Qırım bizimki olur. Bularnıñ episi Qırımnı Ukrainağa qaytarmağa yardım eter», – dedi Lutsenko.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG