Link açıqlığı

Qırım «ükümetinde» aşlıqnıñ Ukraina, Asiyа ve Afrikağa satuvı aqqında bildireler


Embargo ve iqtisadiy cezalarğa baqmadan, Qırımda aşlıqnıñ ihracı ile problemler yoq, dedi Qırımnıñ «köy hocalığı naziri» Nikolay Polüşkin, haber ete Qırım.Aqiqat mühbiri.

«Evel, ebet, aşlıq kombayn astından alına edi, çünki milletlerara şirketler çalışa edi ve biz aşlıqnı Keriç ve Aqyardaki liman terminallarından ihrac ete edik, şimdi ise olarğa nisbeten cezalar kirsetildi, – dedi «nazir». – Buña baqmadan, bizde içki çarşımız çalışa, raps Ukraina çarşısına kete, mında aşayt boğdaynıñ bir qısmı da yollanıla».

Polüşkinniñ sözlerine köre, qırım boğdayını, daima olğanı kibi, Afrika, Asiyа ve yaqın çetel memleketleri ala.

Qırımda aşlıqnıñ bereketi keçken sene olğanından 2,5 qat yüksektir, dey yerli «akimiyet».

Evel «Rosselhoznadzor» Qırım iyün 23 kününden 2014 senesiniñ aşlıq bereketini Saudiy Arabistan (22 biñ 648 tonna) ve Qıbrızğa (603 tonna) ihrac etmege başlağanını bildire edi.

XS
SM
MD
LG