Link açıqlığı

Ukrainanıñ Fevkulâde vaziyetler boyunca devlet hızmeti: Donbass ve Qırımnı tahminen 100 biñ insan terk etti


Al-azırda terrorizmge qarşı ameliyatnıñ zonasından ve vaqtınca işğal etilgen Qırımdan 105 biñden ziyade insan köçip ketti, olardan er üçüncisi – bala, er onuncı insan – saqat, dep bildirdi Ukrainanıñ Fevkulâde vaziyetler boyunca devlet hızmetiniñ reis muavini Vasiliy Stoyetskiy.

«Er künü regional bölüklerde qayd etilgen şahıslarnıñ sayısı arta. Şunıñ içün bu insanlarnı eñ az mesken etilgen yerlerde yerleştirmege tırışalar», – dep bildire Stoyeykiyniñ sözlerini Ukrainanıñ Fevkulâde vaziyetler boyunca devlet hızmetiniñ matbuat hızmeti.

O şunı da bildirdi ki, insanlarnıñ vaqtınca yerleşüv yerlerniñ şaraitleri ögrenile, olarnıñ küz-qış mevsimine azırlav tedbirleri çezile.

Evel Ukrainanıñ içtimaiy siyaset nazirligi 83 biñ köçip kelgen insan aqqınja bildire edi, olardan 15 biñ – Qırım sakinleri, digerleri – Lugansk ve Donetsk vilâyetlerinden kelgenlerdir.

XS
SM
MD
LG