Link açıqlığı

Saatnıñ esas haberi

Ukraina halq deputatı: Cemilev serbeslikniñ qıymetini bile, şunıñ içün Kremlde onı duşman kibi tanıylar


Mustafa Cemilev Qırım meselelerinde mühterelik etkeni aqqında tek KGB añı olğan bir insan aytıp olur, dep tüşüne Ukraina halq deputatı Valeriy Patskan.

Bunı o kendi Facebook saifesinde bildirdi.

Böyleliknen Patskan Rusiye prezidenti Vladimir Putinniñ yarımdağa kirişi yasaq etilgen qırımtatarlarnıñ milliy lideri, Ukraina halq deputatı Mustafa Cemilevge nisbeten aytqan sözlerine seslendi.

Bu kibi laflar, dey halq deputatı, «dünya baqışı Lubânkanıñ teşviqat müüri ile zeerlengen insanğa ait ola bile. Onıñ divarlarında nice yıllar devamında sabıq SSSR halqlarınıñ uquq qorçalayıcıları ve milliy liderleri yoq etile edi».

«Kreml zalımı kibi olğan neferlerge em ayırı insannıñ, em halqlarnıñ azatlıq ğayeleri er vaqıt yat edi. Olar daima insanğa yer olmağan tertibatlarnı qura edi ve aynı bu sebepten Cemilev kibi şahıslar er zaman qanlı duşman olaraq tanıla. Çünki Cemilev kibi insanlar serbestlik fiyatını bile ve olarnıñ qıymetleri er vaqıt halqnıñ menfaatı ile bir sırada tura»,– dep yazdı Patskan.

Avgust 14 künü Rusiye prezidenti Vladimir Putin Qırımğa Mustafa Cemilev ve Refat Çubarovnıñ kiriş yasaqlığını izaatlap, «bu kibi yasaqlarnıñ tarafdarı degil de, dialog tarafdarı olğanını» bildirdi ve «keçmişniñ problemlerinde mühtekirlik etmeyip, kelecekniñ müsbet yönelişte gurucılığına ıntılmaq kerekligini» qayd etti.

İyül 5 künü Rusiye Federatsiyası qırımtatar milliy Meclis reisi Refat Çubarovğa öz territoriyasına kirişini 5 yılğa yasaq etti. Evel aynı böyle yasaq qırımtatar halqınıñ yetekçisi Mustafa Cemilevge de berilgen edi.

XS
SM
MD
LG