Link açıqlığı

Aqyarda ukrain pasportı olğan şahıslarğa tibbiy yardımnı bedava köstermeуcekler


Aqyar hastahanesinde asılğan ilân

Rusiye Federatsiyası tarafından işğal etilgen Aqyar hastahaneleri ukrain pasportı olğan hastalarnı qabul etmege istemey. Qırım.Aqiqat mühbiriniñ malümatına köre, böyle insanlarğa tibbiy yardım tek acele tedaviylev kerek olğan vaqıtta kösterilecek.

Buña delil olaraq, Aqyarnıñ tibbiy müessiselerinde ilânlar asıldı. Mında Aqyarnıñ devlet hastahanelerinde tibbiy yardımnıñ berüv nizamı añlatıla.

«Rusiyede bulunğan bütün insanlarğa acele tibbiy yardım bedava kösterile. Plan boyunca keçirilgen tibbiy yardım çetel vatandaşlarğa bücet tibbiy müessiselerinde kösterilmey. Qaçaq statusını tasdiqlağan qaçaqlarğa yardım bedava berile»,– denile beyanatta.

Aqyar forum ve içtimaiy ağlarda aqyarlılar endi buña şikâyet etmege başladılar.

XS
SM
MD
LG