Link açıqlığı

Putin Rusiye Qırımda öz arbiy bölügini inkişaf etecegi aqqında bildirdi


Президент России Владимир Путин

Rusiye prezidenti Vladimir Putin Qırımda avgust 14 künü Devlet Duma deputatları ile körüşüvde çıqışta bulunıp, Qırımda Rusiye arbiy bölüginiñ teşkil etilmesi ve inkişafı aqqında leyhanı imzalağanı aqqında bildirdi.

«Mudafaa Nazirligi tarafından Qırımda arbiy bölüginiñ teşkil etilmesi ve inkişafı boyunca ayırı leyha işlep çıqarıldı. Men onı tasdiqladım», – dedi Putin.

Onıñ sözlerine köre, qırım bölüginiñ pekitilmesi Rusiyeniñ Silâlı quvetleriniñ planlarına kire eken.

Avgust 13 künü Rusiye Federatsiyasınıñ prezidenti Vladimir Putin Rusiye tarafından işğal etilgen Qırımğa eki künlük iş ziyareti ile keldi. Ukraina İçki işler nazirliginde bu körüşüvni mümkün olmağan bir şey olaraq tanıdılar. Ukraina içki işler nazirliginde ise Putinge qarşı cinaiy işniñ çıqarılmasını tüşüneler.

Çarşenbe künü Putin Aqyarda Rusiye havfsızlıq Şurasınıñ azaları ile toplaşuvnı keçirip, Qırımnıñ havfsızlığı ve qabarcılıq ile küreş kibi meselelerni muzakere etti.

XS
SM
MD
LG