İşğal etilgen Yaltada Rusiye vatandaşı pasportını al-azırda 90709 insan elde etti. Bu sayını avgust 14 künü Yalta şeer şurasınıñ memuriy hızmetlerniñ Merkeziniñ yolbaşçısı Karina Grigoryants bildirdi.
Onıñ sözlerine köre, künde şeerde 300 pasport berile, olarnı elde etmek içün vesiqalarnı 94914 insan berdi.
«Şimdi Qırım yarımadasında sentâbr ayında yekünlenecek pasport-ruhsetname vesiqalarnıñ nezareti, çıqarıluvınıñ devlet tertibatı obyektlerniñ teşkil etilmesi boyunca zaruriy tedbirler keçirile»,– dedi merkezniñ müdiri.
O şunı da qayd etti ki, sıñırdan acele çıqmaq kerek olğanda, Yalta sakinleri çetel pasportlarnı Rusiyeniñ diger subyektlerinde yapa bileler.
