Link açıqlığı

Rusiyede ukrain ve qırımtatar tillerinde dersliklerniñ basılacağı ile problemler olur


Qırım mekteplerinde ukrain ve qırımtatar tillerinde oquğan talebeler içün derslikler ile problemler olacaq. Bunı Qoranta, qadın ve bala meseleleri boyunca Devlet Duma komitetiniñ reis muavini Оlga Batalina bildirdi, dep haber ete öz başına tayin etilgen Qırım akimiyetine yaqın olğan «Krıminform» saytı.

«Rosobrnadzor Ukrainanıñ fizika, esap, himiya boyunca tasil programmalarnı talil etken soñ, olar Rusiye programmaları ile teñ kelgeni añlaşıldı. Amma tarih, cemiyetşınaslıq, edebiyat aqqında aytacaq olsaq – añlağanıñız kibi, mında ukrain derslikleri iç te kelişmey. Bizge rus tilinde kitaplarnı azırlamaq ve olarnı ukrain ve qırımtatar tillerine tercime etmek içün vaqıt kerek», – dedi Batalina.

Faqat o şunı da qayd etti ki, Qırım ve Aqyar milliy azlıqları ögünde bütün mecburiyetler mıtlaqa eda etilecek.

İşğal etilgen Qırımda, Aqmescitniñ merkeziy meydanında, avgust 12 künü Qırım mektepleri içün soñ 564 biñ derslik berildi. Umumen ise Qırım mektepleri içün 2,5 mln derslik basılıp çıqarıldı.

XS
SM
MD
LG