Qırımda mayıs 3 künü Ukraina halq deputatı Mustafa Cemilevge kiriş yasaq etilgenine qarşı keçirilgen narazılıq numayışınıñ iştirakçisine Qarasuvbazar rayon mahkemesi 10 biñ ruble miqdarında para cezasından ğayrı, mecbur işlerni maküm etti.
Bunı Rusiye mahkeme federal hızmetinde bildirdiler.
«Onıñ areketleri RF Memuriy bozuluvlar aqqında kodeksiniñ 20.2.2 maddesiniñ 1-nci qısmına köre «içtimaiy nizamnıñ bozuluvı ve naqliyatnıñ areketine keder etüv» olaraq belgilene», – deyler müessisede.
Qırımlığa 10 biñ ruble miqdarında para cezası berildi, o, onı ödemedi, şunıñ içün mahkemeci oña 20 saatlıq doğrultuv işlerni belgiledi.
Evel qırımtatar milliy Meclis reisi Refat Çubarov numayışnıñ iştirakçilerine yollarnıñ qapatuvı sebebinden 10 biñ ruble miqdarında para cezası berilgenini bildirgen edi.
