Link açıqlığı

Rusiye prezidenti Vladimir Putin Rusiye Havfsızlıq Şurasınıñ azaları ile Aqyarda toplaşuv devamında Qırımnıñ havfsızlıq ve qabarcılıq meselelerini muzakere etti.

Rusiye prezidentiniñ matbuat kâtibi Dmitriy Peskov bildirgeni kibi, toplaşuvda Rusiye Havfsızlıq Şurasınıñ bütün azaları buluna edi.

«Qırım Cümheriyetiniñ ve Aqyar şeeriniñ havfsızlıq teminlevi ile bağlı sualler muzakere etildi», – dedi Putiniñ matbuat kâtibi.

Dmitriy Peskov şunı da qayd etti ki, şu cümleden «tış havfsızlığı» da muzakere etildi.

Evel, Ukraina çetel işler nazirliginde qayd ettiler ki, Rusiye prezidenti Vladimir Putinniñ ve Devlet Duma deputatlarınıñ Rusiye tarafından işğal etilgen Qırımğa kelmek niyetleri mümkün olğan bir şey degildir.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG