Rusiye Federatsiyasınıñ prezidenti Vladimir Putinniñ uçağı Aqyarnıñ «Belbek» uçaq alanına keldi. Bunı «Vesti» neşiri bildire.
Şeerde daa yarı geceden berli naqliyat areketi sıñırlandı. Aqyarnıñ merkezinde ve diger rayonlarda tek marşrutka ve trolleybuslar yüre. Şeerniñ merkeziy qısmını şimaliy taraf ve İnkerman ile bağlağan eki kater de yürmey.
Rusiye havfsızlıq Şurasınıñ toplaşuvından evel, resmiy olmağan malümatlarğa köre, Aqyarnıñ bir qaç sanaiy şirketlerine, hastahanelerniñ birisine ve yerli limanğa baracaq ola. Bunıñ ile Rusiye başı yerli ziyallılar ile körüşecek eken.
Evel, Ukraina çetel işler nazirliginde qayd ettiler ki, Rusiye prezidenti Vladimir Putinniñ ve Devlet Duma deputatlarınıñ Rusiye tarafından işğal etilgen Qırımğa kelmek niyetleri mümkün olğan bir şey degildir.
