Link açıqlığı

İşğal etilgen Aqmescitte Halqara Gençler kününe bağışlanğan kontsert keçti. Tedbirni Qırım mektepleri içün derslikleriniñ ketirilüvine de bağladılar.

Qırım.Aqiqat mühbiriniñ sözlerine köre, şeer merkezini tedbirge avgust 12 kününiñ sabası azırlamağa başladılar – Aqmescitte Lenin meydanını demir qora ile sarıp aldılar. Aqşamğa mında metallodetektorlar peyda oldı.

Saat 19:00 Halqara Gençler kününe bağışlanğan kontsert başlandı. Teşkilâtçılarnıñ sözlerine köre, kontsertni Qırımğa Rusiye derslikleriniñ soñ ketirilmesine bağladılar.

«Bütün bu kitaplarnen meydanımıznı örtmek mümkün», – dedi kontsertniñ alıp barıcısı.

Tedbirde «Maarif» rusiyeli neşiriniñ yolbaşçıları iştirak ettiler, meydannıñ yanında ise «Rusiye balalarına: Adres – Qırım. Maarif derslikleri» yazıları ile eki yük maşinası tura edi.

Kontsertke em moskva, em qırım artisleri qoşuldı. Umumen ise Lenin meydanında tahminen 2 biñ insan toplandı.

XS
SM
MD
LG