Link açıqlığı

Saatnıñ esas haberi

Putin iş ziyareti ile işğal etilgen Qırımğa yol aldı


Çarşenbe künü, avgust 13-de, Rusiye Federatsiyasınıñ prezidenti Vladimir Putin Qırımğa yol ala.

Bunı Kremlniñ matbuat hızmeti bildire.

Çarşenbe künü Aqyarda Putin Havfsızlıq Şurasınıñ, avgust 14 künü – Devlet Duma siyasiy firqalarınıñ azaları ile körüşecek.

Kremlniñ matbuat hızmeti bergen malümatına köre, körüşüvde Rusiye ükümetiniñ başı Dmitriy Medvedev, Devlet Duma reisi Sergey Narışkin, Devlet Duma siyasiy firqalarınıñ yolbaşçıları ve federal nazirliklerniñ başları iştirak etecek.

«Ziyaret devamında medeniyet erbapları ile körüşüv ötkerilecek. Mında Qırım Cumhuriyetiniñ Rusiye Federatsiyasınıñ medeniy alanına qoşuluv meseleleri baqılacaq»,– denile beyanatta.

Evel, Ukraina çetel işler nazirliginde qayd ettiler ki, Rusiye prezidenti Vladimir Putinniñ ve Devlet Duma deputatlarınıñ Rusiye tarafından işğal etilgen Qırımğa kelmek niyetleri mümkün olğan bir şey degildir.

XS
SM
MD
LG