Link açıqlığı

Qırım artisti Ahtem Seytablayev Ada Rogovtseva ile ATO zonasında yaralanğanlarğa aqça toplaylar


Qırımlı, belli artist ve rejissör Ahtem Seytablayev «Varşava nağmesi – 2» hayriye oyunınıñ baş rollerinden birisini icra ete. Mında toplanğan aqçalar Donbassa ATO zonasında zarar körgenlerge ayırılacaq.

Qırım.Aqiqat mühbiriniñ malümatına köre, oyun salı künü Kiyevde numayış etildi. Baş rolni mında SSSR halq artisti, Ukraina Qaramanı Ada Rogovtseva icra ete.

Ahtem Seytablayev leh qızınen körüşken sovet yaşı rolüni oynay. O, oña evlenmege arz ete edi (qıznı Ada Rogovtsevanıñ qızı – Yekaterina Stepankova oynay), faqat SSSRnıñ yabancılarğa evlenmege yasaq etken qanunı sevdalarnıñ taqdirini boza.

​Artistler bedava oynadılar, kiriş ise serbest edi.

​«Vatandaşlıq teşebbüslerniñ şurası» cemaat teşkilâtınıñ malümatına köre, oyunğa biñden ziyade seyirci keldi. Kiyevde Zabitlerniñ Evi Salonında 900 insan buluna bile, bazıları ayaqta tura edi.

Numayışnıñ neticesinde 52 biñ grivna toplanıldı. Teşkilâtçılar qayd etkeni kibi, ticariy oyunlardan bile o qadar para qalmay.

XS
SM
MD
LG