Link açıqlığı

AQŞ-da «Qırım – bu Ukraina» serlevalı fotoleyhanı qırımtatarlarğa qol tutmaq içun teşkil ettiler


Amerikanıñ Çikago şeerinde «Qırım – bu Ukraina» serlevalı fotoleyhanı teşkil ettiler, dep bildire ukrain disporanıñ mediaportalı.

«Ukrain Diasporаnıñ Hanımı» yarışınıñ iştirakçisi, Lvov şeerinden Ulyana Sidor, «Qırım – bu Ukraina» degen mevzuda teşkil etilgen fotosessiyada resimge çıqarıldı.

Fotoresimlerdeki manzaralar Qara deñizni añdıra, faqat fotolar Çikago şeeriniñ Miçigan gölünde yapıldı.

Ukraina gimninden alınğan satır «Qara deñiz daa külümsirecek…» ve «Bir devlet – bir millet» ibaresi – fotoleyhanıñ esas urğularıdır.

Böyleliknen, «Ukrain Diasporanıñ Hanımı» yarışı okeannıñ o bir tarafında yaşağan ukrainlilerden qırımtatarlarğa olğan destegini köstere.

«Qırımtatar qardaşlarımız, serbestlikni coymañız!», – dep çağıralar leyhanıñ müellifleri.

Qız qırımtatarı degil, amma qara qaşları olğanı sebebinden onı şarq güzeli olaraq adladılar, dep yaza neşir.

Ulyana Sidor özü oquğan amerikalı oquv yurtında kostümci olaraq çalışa. Anterniñ bazı elementlerini qız özü tikti.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG