Link açıqlığı

Saatnıñ esas haberi

Kefe sakinleri «Kiyevstar» internetinden marum qalıp, yerli provayderge qoşuldılar


İşğal etilgen Kefede «Feonet» yerli internet-provayderi Qırımda Kiyevstarnıñ işi toqtatılğanı sebebinden öz müşterilerniñ sayısını dört qat arttırdı.

Bunı şirketniñ müdiri Vâçeslav Kalujskiy bildirdi, – dep haber ete Qırımnıñ öz başına tayin etilgen akimiyetiniñ «ruporı» «Krıminform» saytı.

«Aylıq qoşulmasınıñ miqarı dört qat arttı. Bizim içün bu, elbette, güzel, amma işte ciddiy bozuluvlar yüz bergen edi», – dedi Kalujskiy.

Onıñ sözlerine köre, bir qaç kün devamında Kefede «Feonet» müşterilerniñ interneti sıq söndürile edi, çünki donatuv bazıda bozula edi.

Bazarertesi künü Aqmescitte yerleşken AO «Kiyevstar» ofisine silâlı insanlar kirip, şirket hadimleriniñ ögünde telekom-donatuvğa kendi techizatnı qurmağa başladı. Şirkette şunı qayd etitler ki, «Kiyevstar», müşterilerniñ haber havfsızlığını, hadimlerniñ fizikiy telükesizligini ve ağnıñ bütünligini tüşünip, Qırımda bağ hızmetini vaqtınca toqtatmağa mecbur.

Neticede müşteriler mobil ağsız ve internetsiz qaldı.

XS
SM
MD
LG