İşğal etilgen Qırımda avgust 13-17 künleri qızğın sıcaq tahmin etile. Qırım boyunca Rusiyeniñ fevkulâde vaziyetler boyunca nazirliginiñ baş idaresiniñ matbuat hızmeti bergen malümatına köre, bu künleri ava derecesi qarardan yedi derece yüksek olacaq.
Qurtarıcılar qırımlılarnı ve kelgen insanlarnı açıq territoriyalarda 11-17 saatler arasında bulunmamağa çağıra.
«Yaş ve sağlıqqa baqmadan, er bir insan içün havflıdır. Bu vaqıtta ağır şeylerni taşımaq, nasıldır bir qıyın areketlerni yapmaqtan saqınmaq kerek», – denile beyanatta.
Bu künleri çoqça suv içmege ve meyvalarnı aşamağa tevsiye etile. Ekimler nar ve yüzüm şıralarını içmemege tevsiye eteler.
